თაღლითურმა კომპანიამ ასობით მოქალაქე დააზარალა

არასამთავრობო ორგანიზაცია “საზოგადოება და ბანკები” მომხმარებლებს კიდევ ერთი პირამიდული სქემის შესახებ აფრთხილებს. კომპანია PCDAI სოციალურ ქსელებში აქტიურად ავრცელებს სამომავლო დასაქმების პერსპექტივის ყალბ შეთავაზებებს. თაღლითები მოქალაქეებს დასაქმებას და შემოსავლის მიღებას გარკვეული თანხის დაბანდების შემდეგ პირდებიან. ამისათვის კი მომხმარებლებს სთავაზობენ ე.წ. “პლატფორმაზე” რეგისტრაციას, სადაც მათ უკეთებენ პირად კაბინეტებს და ამის შემდეგ აბანდებინებენ თანხას. ამ ეტაპზე იკვეთება ოპერაციები შემდეგ თანხებზე: 180, 875, 2 000 და 3000 ლარი. იმისთვის რომ მსხვერპლი დაერწმუნებინათ, რომ მათი ინვესტიცია მუშაობს, ყოველდღიურად დაბანდებულ თანხაზე ურიცხავდნენ სარგებელს. გარკვეული პერიოდის შემდეგ კი უკვალოდ გაქრნენ.

არსებობს თუ არა რეალურად “შავი სია?"

საკრედიტო ისტორია ეს არის თქვენი ფინანსური ქცევის სრული არქივი: რა სესხები გქონიათ, რა ვალუტაში, რამდენად იცავდით გრაფიკს და გქონდათ თუ არა ვადაგადაცილება. ამ მონაცემებს საქართველოში საკრედიტო ბიურო - „კრედიტინფო საქართველო“ აგროვებს.

0%-იანი განვადება - მითი თუ რეალობა?

ამ ზაფხულს სითბო კი მოგვენატრა, მაგრამ ბოლო დღეებში მაგრად რომ დაცხა, ვეღარ გავუძელი და გადავწყვიტე კონდიციონერი მეყიდა. ჯერ ონლაინ ვარჩიე, შემდეგ მივედი ტექნიკის მაღაზიაში. ის მოდელი, რომელიც მომეწონა 1500 ლარი ღირდა. ერთიანად ამ თანხას ვერ გადავიხდიდი, არც 4 თვეზე გაყოფა მაწყობდა, ამიტომ გადავწყვიტე, უკვე დამტკიცებული განვადებით მესარგებლა. განვადების შემთხვევაში კონდიციონერის ფასი ცოტათი გაიზარდა, 1600 ლარი გახდა. ეს დაახლოებით 7%-იანი ფასნამატია, რომელსაც თავად სავაჭრო ობიექტები ამატებენ, თუ ნივთის ღირებულებას მთლიანად ვერ ფარავთ. შემდეგ დარჩენილ თანხას მცირე საკომისიოც დაემატა და გადანაწილდა 12 თვეზე. საბოლოო ჯამში, განვადებით კონდიციონერის შეძენა, დაახლოებით 200-250 ლარით უფრო ძვირი დამიჯდა, თუმცა მიღირდა, რადგან უკვე საკმაოდ ცხელოდა, მე კი თანხის მოგროვებას ვერ დაველოდებოდი.

ქირაობა თუ ყიდვა: მითები და რეალური რიცხვები

საზოგადოებაში არსებობს ერთი ძალიან მყარი სტერეოტიპი: „ქირის გადახდა ფულის ჰაერში გადაყრაა და არ ღირს“. მაგრამ არის კი ეს ყოველთვის ასე? მოდით, ემოციების გარეშე, ცივი გონებითა და კონკრეტული რიცხვებით შევადაროთ, რა უფრო მომგებიანია დღეს თქვენთვის.

ინვესტიციები თუ ანაბარი - როგორ დავაბანდოთ დანაზოგი ჭკვიანურად?

ფულის დაზოგვა მხოლოდ პირველი ნაბიჯია. ნამდვილი ფინანსური სტაბილურობა მაშინ იწყება, როცა თქვენი კაპიტალი მუშაობას და დამატებითი ღირებულების შექმნას იწყებს. მას შემდეგ, რაც საქართველოში ინვესტიციები და კრიპტოაქტივები დაინერგა, სულ უფრო მეტ მომხმარებელს უჩნდება კითხვა: სად სჯობს დანაზოგის დაბანდება - ტრადიციულ საბანკო ანაბარში, თუ ამერიკული კომპანიების აქციებში? პასუხი დამოკიდებულია იმაზე, თუ რა ვალუტაში ინახავთ ფულს და რა არის თქვენი მიზანი.